PENJELASAN PAKON PETUNJUK PELAKSANAAN RABU ABU

 

A.     PETUNJUK UMUM

1.      Bani na mardingat haganup sitaronon ni Tuhan Jesus, somal do iparingati masa “prapaskah” aima panorang persiapan paima parpuho ni Tuhan Jesus (Paskah). Panorang prapaskah aima panorang banta laho mardingat, mangkagoluhkon use haganup pardalanan pelayanan ni Tuhan Jesus na gok ibagas tantangan ampa sitaronon, na ipungkah hun kesarea Pilippi ronsi das hu Jerusalem. Halani ai bani panorang prapaskah aima panorang na ibere hubanta laho mardingat Tuhan Jesus, manolsoli diri, mambotoh hadirion i lobeini Tuhan pakon totap sirsir marhamubahon.

2.      Domu hubani hatorangan bani kajian teologis na dob ipaondos banta humbani Bibel, idalani bangsa Israel do pardalanan i halimisan, si Musa i atas dolog, nabi Elias ibagas pardalanan manuju Horeb, hamubahon ni uhur ni bangsa Ninive dob mambogei barita na humbani Jona pakon pasal Tuhan Jesus na marpuasa i halimisan, halani ai do ase iparingati hita masa prapaskah ibagas 40 ari (6 minggu). Aima na isobut hita Rabu Abu.

3.      Rabu Abu aima pamungkahni 40 ari masa minggu prapaskah. Abu na ioleskon bani pamatangta pataridahkon toruh ni uhur, mamareksa hauhuran (introspeksi), panorang marpusok ni uhur, padohorhon diri hubani Tuhan pakon gabe tanda paboa hita jolma aima orbuk do i lobei ni Naibata (1 Musa 18:27; 2 Sam. 13:19; Est. 4:1, 3; Job 2:8, 42:6; Jes. 58:5; Hes. 27:30; Dan. 9:3; Jona 3:6).

4.      Laho mardingat haganupan in bani ari Rabu, iadongkon hita do kebaktian partonggoan Rabu Abu domu hubani panorang na dob itotapkon bani kalender gerejawi tiap tahun.

5.      Kebaktian partonggoan Rabu Abu iadongkon hita domu hubani situasi pakon keadaan ni kuria ni bei. Halani panorang Rabu Abu on sedo panorang hari libur nasional, ase itingtingkon ma i kuria pasal pandalankonon bani kebaktian on. Anjaha itotapkon ma homa sipartugas bani kebaktian partonggoan Rabu Abu on.

6.      Khusus bani tahun 2024, kebaktian partonggoan Rabu Abu sarupa panorangni pakon panorang Pemilu (Pemilihan Umum). Halani ai, ase bijaksana ma haganup kuria laho mangaturhon pardalan ni kebaktian partonggoan Rabu Abu on, domu hubani keadaan pakon situasi ni kurianta bei marpardomuan hubani keadaan panorang Pemilu.

 

B.     PETUNJUK KHUSUS

1.      Ranggi ni kebaktian bani Rabu Abu on, domma ipasirsir.

2.      Ase haganup kuria pasirsirhon abu na sihol ipakei bani kebaktian on aima:

a.       Abu na ibahen humbani bulung-bulung jenis palem na dob itutung, dob ai isaring, anjaha abu na dob isaring ai iagu pakon minak (boi minak zaitun, baby oil, atap minak na legan).

b.      Abu na ibahen humbani arang na dob iduda halus, dob ai isaring ma ai, anjaha arang na dob halus tumang ai iagu pakon minak (boi minak zaitun, baby oil, atap minak na legan).

c.       Atap abu na legan, na “higienis”na boi iagu pakon minak ampa lang marbahaya secara kesehatan, anjaha boi lengket bani pamatang, na boi iusahahon tiap kuria domu hubani situasi na adong i kuria.

3.      Acara pengolesan abu ibahen dob honsi ambilan anjaha pandalankonon bani acara on domma isuratkon bani ranggi ni kebaktian partonggoan Rabu Abu.

4.      Bani acara pengolesan abu, haganup do pagori ni kuria dihut manjalo pengolesan abu.

5.      Na martugas bani pengolesan abuaima parambilan pakon Pelayan Khusus Tahbisan na dob itontuhon.

6.      Cara pengolesan abu aima mamakei ompu-ompu (ibu jari) na ibahen bani dumut (kening/dahi) marhitei tanda silang, aima hun datas hu toruh ampa hun sambilou hu siamun.

7.      Pelaksanaan pengolesan abu:

a.       Parlobei do parambilan mambahen pengolesan abu hubani dirini sandiri, dob ai parambilan mengoleskan abu hubani Pelayan Khusus Tahbisan na dob itontuhon, dob ai Pelayan Khusus Tahbisan mengoleskan abuhubani haganup pagori ni kuria.

b.      Pagori ni kuria na roh, mambahen barisan anjaha roh hu lobei si sada-sada manjalopengolesan abu humbani Pelayan Khusus Tahbisan na dob itontuhon.

c.       Bilanganni Pelayan Khusus Tahbisan na dihut bani pengolesan abuisesuaihon hubani kondisi kuria ni bei.

8.      Ase idalankon ma kebaktian partonggoan Rabu Abu on domu hubani tatang atur ni kebaktian na ipaondos Pimpinan Sinode GKPS.

9.      Galangan kebaktian partonggoan Rabu Abu ase ipadalan domu hubani ketentuan na berlaku bani kebaktian partonggoan i GKPS.

---

[1] Bandingkan Kantor Sinode GKPS, Tata Gereja GKPS, (Pematangsiantar: Kolportase GKPS, 2021), 36, 38.

[2] Bandingkan seperti yang disebutkan oleh Rasid Rachman, Hari Raya Liturgi: Sejarah dan Pesan Pastoral Gereja, (Jakarta: BPK Gunung Mulia, 2011-cet ke 5), 58.

[3] Donald Wilson Stake, The ABC’s of Worship: A Concise Dictionary (Louisville, Westmister/John Knox Press, 1989), 18.

[4] Catatan ini dikutip langsung dari buku Konkord terjemahan Dr. Mangisi Simorangkir dari Theodore G. Tappert (editor), Buku Konkord: Konfesi Gereja Lutheran, (Jakarta: BPK Gunung Mulia, 2004), 43.

[5] Dalam tulisannya Luther menyebutkan: …it does not follow that we should invoke angels and saints, pray to them, keep fasts and festivals for them, say Masses and offer sacrifices to them, establish churches, altars, and services for them, serve them in still other ways, regard them as helpers in time of need, and attribute all sorts of help to them, assigning to each of them a special function, as the papists teach and practice. This is idolatry. Such honor belongs to God alone... Theodore G. Tappert (translator and editor), The Book of Concord: The Confessions of the Evangelical Lutheran Church, (Philadelphia: Fortress Press, 1959), 297.

[6] E.H. van Olst, Alkitab dan Liturgi, (Jakarta: BPK Gunung Mulia, 2012), 33.